Intal
ultin an, intant des riunions de Assemblee Nazionâl dal Gales, la
lenghe proprie e je stade doprade pal 12% dal timp. A front di
cualchi ecezion tant che la deputade dal Plaid
Cymru Sian Gwenllian (cun intervents
fats pal 99% par galês) o la presidente de Assemblee Elin Jones
(84%), la plui part dai elets si mostre une vore clipe tal doprâ la
lenghe proprie. A denunciâ cheste situazion e je la organizazion pe
lenghe Cymdeithas yr Iaith Gymraeg
che i conteste al esecutîf di jessi il prin a dâ il brut esempli.
Il prin ministri Carwyn Jones, cundut che al à une otime paronance
de lenghe, al à doprât il galês dome tal 10% dai siei discors
intant che Dafydd Elis-Thomas cumò che al è ministri al dopre la
lenghe proprie une vore di mancul di cuant che al jere deputât.
Chescj elements – e dîs la Cymdeithas
– a mostrin a clâr che si à un probleme te maniere che al opere
il guvier.
Font:
BBC, 08/01/18; Cymdeithas,
09/01/18
Nessun commento:
Posta un commento